انساني قچاقبران زړونه نلري/نوربادشاه يوسفزئ

د انساني قچاقبرانو او طالبانو پرته په نړۍ کې ظالمان او وحشيان خلک نور نشته, ما په خپلو سترګو په استنبول ښار کې قچاقبران ليدلي چې د افغانستان او پاکستان نه يې مسافر رواستلي او سخت ظلمونه يې ورسره کړي, په اور يې سيځلي, په بليډونو يې غوڅ کړي او په موبايل يې د هغه مسافرو چغې د هغه خلکو کورونه ته اورولي تر څو کور ولا يې د خپلو کسانو  په سر زر زر پيسې ورکړي او خلاص يې کړي.

زه د دې خبرې قايل يم چې هر انسان په خپل ژوند کې ازاد دی, که يو انسان د اتلسو کالو کم عمر لري پکار ده خپل مور پلار استاذ هغه ته لار وښايي او که يو انسان د اتلسو کالو پورته عمر لري نو هغه په خپل ښه او بد ښه پوهيږي نو فکر نه کوم چې هغه ته نصيحت وکړل شي ولې هغه خپل سوچ او فکر لري, خو ولې زمونږ افغانانو په ټولنه کې تعليم کمۍ دی هر پله تياره خپره ده نو څه نه څه حق جوړېږي چې لېږ څه د خپلړ خلکو سره شريک کړو, نو د هر افغان څخه يوه دا غوښتنه ده که قچاقبر هر څومره شنه باغونه درته وښايي په خبرو دې عمل نه کوي, په زرګونو يورو او ډالر دې نه برباده وي, قچاقبران د انسانيت دښمنان دی, دوي هيڅ زړونه نلري, احساس نه پيژني.

ليک: نوربادشاه يوسفزئ

دی پشتون ټايمز